Ladki bahin yojana hafta update : महाराष्ट्रातील मुख्यमंत्री माझी लाडकी बहीण योजनेच्या सप्टेंबर महिन्याच्या हप्त्याबाबत महिलांमध्ये मोठी उत्सुकता आहे. २६ ऑक्टोबर २०२६ रोजी सोमवारी राज्यातील सुमारे एक कोटी ६० लाख लाभार्थी महिलांना GR (शासकीय ठराव) येण्याची आशा आहे. अनेक महिले या हप्त्याची वाट पाहत थकल्या आहेत. “पैसे कधी येणार?”, “GR कधी येणार?” असे प्रश्न वारंवार विचारले जात आहेत. तथापि, गेल्या दोन-तीन हप्त्यांपासून योजनेच्या वितरणात अनियमितता जाणवत आहे.
योजनेची सध्याची स्थिती
लाडकी बहीण योजना सुरूवातीला खूप लोकप्रिय होती. राज्यातील सत्ताधारी पक्षानेही या योजनेला कायमस्वरूपी चालू ठेवण्याचे आश्वासन दिले होते. निवडणुकीच्या काळात हप्ता वाढवण्याचीही घोषणा झाली होती. पण प्रत्यक्षात गेल्या काही महिन्यांपासून हप्ते वेळेवर मिळत नाहीत. कधी १५ तारखेला, कधी महिन्याच्या अखेरीस तर कधी पुढच्या महिन्यात पैसे येतात. यामुळे लाभार्थी महिलांना आर्थिक नियोजन करणे कठीण झाले आहे.
सप्टेंबरचा हप्ता अजून खात्यात जमा झालेला नाही. ऑक्टोबर महिनाही संपत आला आहे. दिवाळी अगदी जवळ आली आहे. दुसरीकडे राज्यात दुष्काळाची परिस्थिती आहे. ३०५ तालुक्यांमध्ये दुष्काळ जाहीर झाला आहे. अशा कठीण काळात या १५०० रुपयांचा हप्ता अनेक कुटुंबांसाठी मोठा आधार असतो. केवळ महिलांसाठी नव्हे तर संपूर्ण कुटुंबासाठी हा निधी महत्त्वाचा ठरतो.
आज GR येण्याची शक्यता आणि महिलांची मागणी
महिला व बालविकास विभागातील काही अधिकाऱ्यांकडून माहिती मिळाली आहे की सप्टेंबर हप्त्यासाठी आज GR येण्याची शक्यता आहे. GR आल्यानंतर पुढच्या एक-दोन दिवसांत किंवा ३० ऑक्टोबरपर्यंत पैसे खात्यात जमा होण्याची अपेक्षा आहे. सध्या फक्त सप्टेंबरचा हप्ता (१५०० रुपये) देण्याबाबतच चर्चा आहे.
मात्र महिलांमध्ये एकत्रित ३००० रुपये (सप्टेंबर + ऑक्टोबर) मिळावेत अशी जोरदार मागणी आहे. दिवाळीच्या सणाला दोन हप्ते एकत्र मिळाल्यास घरखर्च आणि सण साजरा करण्यास मदत होईल, असा त्यांचा युक्तिवाद आहे. काही ठिकाणी ऑक्टोबरचा हप्ता नोव्हेंबरमध्ये भाऊबीच्या वेळी मिळू शकतो, असेही सांगितले जात आहे. पण याबाबत अद्याप कोणतीही अधिकृत घोषणा किंवा GR आलेला नाही. फक्त शक्यता आहेत. अधिकृत अपडेट येईपर्यंत यावर पूर्ण विश्वास ठेवता येणार नाही.
योजना बंद होणार नाही, पण नियमितता हवी
काही महिलांना योजना बंद झाली की काय अशी भीती वाटत आहे. मात्र योजना बंद होणार नाही. पुढील वर्षासाठी (मार्च २०२७ पर्यंत) निधीची तरतूद अर्थसंकल्पात आधीच करण्यात आली आहे. योजना सुरू राहील. सुरुवातीला सुमारे २ कोटी ६३ लाख लाभार्थी होते. सध्या एक कोटी ६० लाखांच्या आसपास लाभार्थी आहेत. पात्र महिलांना वेळेवर लाभ मिळणे गरजेचे आहे.
गेल्या काही दिवसांत अकोलसारख्या ठिकाणी महिला रस्त्यावर उतरल्या होत्या. नवरत्र, दसरा आणि आता दिवाळी अशा सणांनाही हप्ता वेळेवर न मिळाल्याने नाराजी व्यक्त होत आहे. दुष्काळ आणि महागाईच्या काळात हा निधी वेळेवर पोहोचणे अत्यंत महत्त्वाचे आहे.
सरकारकडे मागणी
सरकारने योजनेत नियमितता आणणे गरजेचे आहे. किमान पुढील काही महिने हप्ता कोणत्या तारखेला जमा होईल हे निश्चित करावे. १० किंवा १५ तारखेसारखी निश्चित तारीख ठेवल्यास महिलांना नियोजन करणे सोपे जाईल. दुष्काळग्रस्त भागातील महिला आणि कुटुंबांना या वेळी विशेष आधार हवा आहे.
